ബാലവേല വിരുദ്ധ ദിനം

ബാനം ഗവണ്‍മെന്റ് ഹൈസ്കൂളില്‍ ബാലവേല വിരുദ്ധ ദിനം പ്രത്യേക അസംബ്ലിയോടുകൂടി ആചരിച്ചു.ബാലവേല എന്ന സാമൂഹിക വിപത്തിന്റെ പരിണിത ഫലങ്ങളെക്കുറി ശ്രീ സഞ്ജയന്‍ മാസ്റ്റര്‍ സംസാരിച്ചു. ബാലവേല വിരുദ്ധ പ്രതിജ്ഞ കുട്ടികള്‍ ഏറ്റുചൊല്ലി.

ചരിത്ര ശേഷിപ്പുകള്‍ തേടി

പ്രാചീനശിലായുഗ ചരിത്ര ശേഷിപ്പുകളിലേക്ക് ഒരു യാത്ര.ബാനം പ്രദേശത്തു കണ്ടെത്തിയ ചെങ്കല്ലറകളെ പരിചയപ്പെടാനായി സാമൂഹ്യശാസ്ത്ര ക്ലബ്ബിന്റെ ആഭിമുഖ്യത്തില്‍ നടത്തിയ യാത്രക്ക് അധ്യാപകരായ ശ്രീധരന്‍ തെക്കുമ്പാടന്‍ ,ടി വി പവിത്രന്‍ എന്നിവര്‍ നേതൃത്വം നല്‍കി.

ഡങ്കിപ്പനി ബോധവല്‍ക്കരണ ക്ലാസ്സ്

ബാനം പ്രദേശത്ത് പടര്‍ന്നു പിടിക്കുന്ന ഡങ്കിപ്പനിക്കെതിരെ ബാനം ഗവ.ഹൈസ്കൂളില്‍ ബോധവല്‍ക്കരണ ക്ലാസ്സ് ഹെല്‍ത്ത് ഇന്‍സ്പെക്ടര്‍ ശ്രീ' സന്തോഷ് കുമാര്‍ എം എസ് നയിക്കുന്നു. ഹെഡ്‌മിസ്ട്രസ് ശ്രീമതി എം.രേഷ്മ, സീനിയര്‍ അസിസ്റ്റന്റ് ശ്രീ പി കെ ബാലചന്ദ്രന്‍ എന്നിവര്‍ പങ്കെടുത്തു.

പരിസ്ഥിതി ദിനം

പരിസ്ഥിതി ദിനം വിപുലമായ പരിപാടികളോ‌‌ടെ ബാനം ഗവ.ഹൈസ്കൂളില്‍ ആഘോഷിച്ചു.കോടോം ബേളൂര്‍ കൃഷിഭവന്റെ വകയായി വിദ്യാര്‍ത്ഥികള്‍ക്കുള്ള പച്ചക്കറി വിത്ത് വിതരണം പഞ്ചായത്ത് പ്രസി‍ഡണ്ട് ശ്രീ സി കുഞ്ഞിക്കണ്ണന്‍ ഉദ്ഘായനം ചെയ്തു. കുട്ടികള്‍ക്കുള്ള കൈപ്പുസ്തക വിതരണവും പച്ചക്കറി കൃഷി സംബന്ധിച്ച സിഡി കൈമാറ്റവും നടന്നു.കൃഷി ഓഫീസര്‍, ജനപ്രതിനിധികള്‍, പി ടി എ ഭാരവാഹികള്‍ തുടങ്ങിയവര്‍ പങ്കെടുത്തു.വിദ്യാര്‍ത്ഥികളും അധ്യാപകരും ചേര്‍ന്ന് സ്കൂള്‍ അങ്കണത്തിലും സമീപപ്രദേശങ്ങളിലും വൃക്ഷത്തൈകള്‍ നട്ടു പിടിപ്പിച്ചു.

ഇന്നത്തെ പത്രവാര്‍ത്ത

കെട്ടിടോദ്ഘാടനം

ബാനം നാടിന്റെ ഉത്സവമായി,പ്രഭാകരൻ കമ്മീഷൻ കാസർകോട് പാക്കേജിൽ ഉൾപ്പെടുത്തി ബാനം ഗവൺമെന്റ് ഹൈസ്കൂളിന് അനുവദിച്ച രണ്ടു നില കെട്ടിടത്തിന്റെ ഉദ്ഘാടനം ബഹുമാനപ്പെട്ട റവന്യൂ വകുപ്പ് മന്ത്രി ശ്രീ ഇ ചന്ദ്രശേഖരൻ നിർവഹിച്ചു. സ്കൂളിന് അനുവദിച്ച 3 ഹൈടെക് ക്ലാസ് മുറികളുടെ ഉദ്ഘാടനം കാസർഗോഡ് ജില്ലാ പഞ്ചായത്ത് പ്രസിഡൻറ് ശ്രീ എ ജി സി ബഷീർ നിർവഹിച്ചു . ഒന്നാം ക്ലാസ് ഒന്നാം തരം ആക്കുക എന്ന ലക്ഷ്യത്തോടെ കോടോം-ബേളൂർ ഗ്രാമപഞ്ചായത്ത് അനുവദിച്ച സ്മാർട്ട് ക്ലാസ്സ് മുറി പ്രസിഡൻറ് ശ്രീ സി കുഞ്ഞിക്കണ്ണൻ സ്വിച്ചോൺ ചെയ്തു. എസ്എസ്എൽസിക്ക് 100% വിജയം നേടിയ വിജയം നേടിയ വിദ്യാർത്ഥികളെ ജില്ലാ പഞ്ചായത്ത് ഡിവിഷൻ മെമ്പർ ശ്രീ ജോസ് പതാലിൽ അനുമോദിച്ചു .എൻഎംഎംഎസ് സ്കോളർഷിപ്പ് നേടിയ എട്ടാം ക്ലാസിലെ രണ്ട് വിദ്യാർത്ഥികൾക്കുള്ള ഉപഹാരം ജില്ലാ പഞ്ചായത്ത് അംഗം ശ്രീമതി ഇ പത്മാവതി വിതരണം ചെയ്തു. ബ്ലോക്ക് പഞ്ചായത്ത് അംഗം ശ്രീമതി പി വി തങ്കമണി എൻഡോവ്മെന്റ് വിതരണം നിർവ്വഹിച്ചു. സ്ഥാനമൊഴിഞ്ഞ സ്കൂളിന്റെ ആദ്യഹെഡ്മാസ്റ്റർ ശ്രീ രഘു മിന്നിക്കാരനെ ബഹുമാനപ്പെട്ട റവന്യൂമന്ത്രി പൊന്നാടയണിയിച്ച് ആദരിച്ചു. ചടങ്ങിൽ പിടിഎ പ്രസിഡണ്ട് ശ്രീ ബാനം കൃഷ്ണൻ സ്വാഗതവും ഹൊസ്ദുർഗ് എ ഇ ഒ ശ്രീ പി കെ ജയരാജ്,ഹെഡ്മിസ്ട്രസ് ശ്രീമതി എം രേഷ്മ ,പിടിഎ വൈസ് പ്രസിഡൻറ് ശ്രീ കെ കെ കുഞ്ഞിരാമൻ,ശ്രീ എ സി മാത്യു, ശ്രീ പി ദിവാകരൻ, ശ്രീമതി റഷീദ ഇസ്മായിൽ, സ്റ്റാഫ് സെക്രട്ടറി എം പ്രിയ ശാലിനി,കോടോം ബേളൂർ ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺമാരായ ശ്രീമതി ടി വി ഉഷ, കെ ഭൂപേഷ് തുടങ്ങിയവർ ആശംസയും മുൻ ഹെഡ്മാസ്റ്റർ ശ്രീ രഘു മിന്നിക്കാരൻ നന്ദിയുംഅർപ്പിച്ചു.

                                       

പ്രവേശനോത്സവം വാര്‍ത്തകളില്‍

മാതൃഭൂമി

പുതിയ സാരഥി

പുതു വര്‍ഷത്തില്‍ പുതിയ സാരഥി.ബാനം ഗവ.ഹൈസ്കൂളിന്റെ പുതിയ ഹെഡ്‌മിസ്ട്രസ്സായി ശ്രീമതി രേഷ്‌മ എം ചുമതലയേറ്റു.

പ്രവേശനോത്സവം 2018

ബാനം ഗവ.ഹൈസ്കൂളില്‍ പ്രവേശനോത്സവം ഗംഭീരമായ പരിപാടികളോടെ കൊണ്ടാടി.പുതുതായി പ്രവേശനം നേടിയ കുരുന്നുകളെ വിദ്യാര്‍ത്ഥികളും നാട്ടുകാരും ജനപ്രതിനിധികളും ചേര്‍ന്ന് ഘോഷയാത്രയായി സ്കൂളിലേക്ക് ആനയിച്ചു.കുട്ടികള്‍ക്ക് വര്‍ണ്ണബലൂണുകളും കിരീടവും മധുര പലഹാരവും നല്‍കി.മഹാത്മ പുരുഷ സ്വയംസഹായ സംഘത്തിന്റെ വകയായി ഒന്നാം ക്ലാസ്സില്‍ പ്രവേശനം നേടിയ മുഴുവന്‍ കുട്ടികള്‍ക്കും സ്റ്റിീല്‍ വാട്ടര്‍ ബോട്ടിലുകള്‍ നല്‍കി.കുട്ടികള്‍ക്ക് ബാഗും കുടയും സ്പോണ്‍സര്‍ ചെയ്ത നവജീവന്‍ പുരുഷ സ്വയംസഹായ സംഘത്തിന്റെ ഭാരവാഹികള്‍ അതിനാവശ്യമായ തുക ഹെഡ്‌മാസ്റ്ററെ ഏല്‍പ്പിച്ചു.