കിളിക്കൊഞ്ചൽ

ബാനം ഗവ.ഹൈസ്കൂളിൻ്റെ ഈ വർഷത്തെ അക്കാഡമിക് മാസ്റ്റർ പ്ലാൻ നിർവ്വഹണ പദ്ധതിയുടെ ഭാഗമായി എൽ പി വിഭാഗത്തിൽ നടപ്പിലാക്കുന്ന 'കിളിക്കൊഞ്ചൽ' പഠന പദ്ധതിയുടെ തുടക്കം.

ഉപജില്ലാ കായിക മേള

ഹൊസ്ദുർഗ് ഉപജില്ലാ കായിക മേളയിൽ സബ് ജൂനിയർ ബോയ്സ് 600 മീറ്ററിലും 400 മീറ്ററിലും ഒന്നാം സ്ഥാനം നേടിക്കൊണ്ട് ബാനം ഗവ.ഹൈസ്കൂളിൻ്റെ അഭിമാനമായ സിദ്ധാർത്ഥ് പി വിജയ പീഠത്തിൽ...

ഖൊ ഖൊ

ഖൊ ഖൊ യിൽ ബാനത്തിൻ്റെ പ്രതാപം വീണ്ടും. ഖൊ ഖൊ സോണൽ മത്സരത്തിനുള്ള ടീമിലേക്ക് തെരഞ്ഞെടുക്കപ്പട്ട ആദർശ് വി കെ യ്ക്ക് അഭിനന്ദനങ്ങൾ.

 

വിമുക്തി

കേരള സംസ്ഥാന എക്സൈസ് ഹോസ്ദുർഗ് റെയിഞ്ച് ഓഫീസിൻെറയും കോടോംബേളൂർ ഗ്രാമപഞ്ചായത്തിന്റെയും സംയുക്താഭിമുഖ്യത്തിൽ Oct.5 വെള്ളിയാഴ്ച ബാനം ഗവ.ഹൈസ്കൂളിൽ ലഹരി വിരുദ്ധ ബോധവൽക്കരണ ക്ലാസ്സ് ' ''വിമുക്തി " സംഘടിപ്പിച്ചു. 'ഹരിത സേനാംഗങ്ങൾ,സ്കൂൾ സ്കൗട്ട് അംഗങ്ങൾ,5 മുതൽ 10 വരെ class ലെ വിദ്യാർത്ഥികൾ,രക്ഷിതാക്കൾ എന്നിവർ ക്ലാസിൽ പങ്കെടുത്തു. കോടോം ബേളൂർ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഭൂപേഷ് അധ്യക്ഷത വഹിച്ച ചടങ്ങിൽ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ശ്രീമതി ഉഷ സ്വാഗതം ആശംസിച്ചു.പരപ്പ ബ്ലോക്ക് പഞ്ചായത്ത് വൈസ് പ്രസിഡണ്ട് ശ്രീമതി തങ്കമണി 'വിമുക്തി' ഉദ്ഘാടനം ചെയ്തു.സ്കൂൾ ഹെഡ്മിസ്ട്രസ് ശ്രീമതി രേഷ്മ,സീനിയർ അസിസ്റ്റൻറ് ശ്രീ ബാലചന്ദ്രൻ എന്നിവർ ആശംസകൾ നേർന്നു.എക്സൈസ് ഉദ്യോഗസ്ഥൻമാരായ സുധീന്ദ്രൻ,ശ്രീനിവാസൻ എന്നിവർ ക്ലാസുകളെടുത്തു.

ഗണിതം മധുരം

ബാനം ഗവൺമെൻറ് ഹൈസ്കൂളിലെ വിദ്യാർത്ഥികൾക്ക് ഗണിതം മധുരമാക്കുന്നതിനായി ഹോസ്ദുർഗ് ബിആർസി യുടെ സഹായത്തോടെ കോടോം ബേളൂർ പഞ്ചായത്തിലെ വിദ്യാഭ്യാസ ഫണ്ട് ഉപയോഗിച്ച് ഗവൺമെൻറ് ഹൈസ്കൂളിലെ എൽപി യുപി വിഭാഗം വിദ്യാർഥികൾക്ക് പഠനോപകരണം നിർമ്മിക്കുന്നതിനായി ഗണിതോത്സവം സംഘടിപ്പിച്ചു. ബിആർ സി അധ്യാപകനായ രാജഗോപാൽ,മേലാങ്കോട്ട് സ്കൂൾ അധ്യാപകൻ ശ്രീ ശിവരാമൻ, പൂത്താക്കൽ സ്കൂൾ അധ്യാപകൻ ശ്രീ ജയചന്ദ്രൻ, ബാനം സ്കൂൾ അധ്യാപകരായ ശ്രീമതി ഏലിയാമ്മ,ഗീത,ശാലിനി ഉഫൈറത്ത് ,ബാലചന്ദ്രൻ,പവിത്രൻ എന്നിവർ പരിപാടിക്ക് നേതൃത്വം വഹിച്ചു.പി ടി എ പ്രസിഡണ്ട് ശ്രീ രാജീവൻ,മദർ പിടിഎ പ്രസിഡണ്ട് ശ്രീമതി തുളസി എന്നിവരുൾപ്പെടെ മുപ്പതോളം രക്ഷിതാക്കൾ ഗണിത ലാബ് നിർമാണപ്രവർത്തന പരിപാടിയിൽ പങ്കെടുത്തു. ടെൻഫ്രെയിം , ഡോമിനോസ്,ഷൂട്ടിംഗ് ഗെയിം, സ്നേക്ക് ആൻഡ് ലാഡർ തുടങ്ങി നൂറോളം ഗണിത ഉപകരണങ്ങൾ ഏകദിന പരിശീലന പരിപാടിയിൽ നിർമിച്ചു.ഗണിത ഉപകരണങ്ങൾ സ്കൂൾ ഹെഡ്മിസ്ട്രസ് ശ്രീമതി രേഷ്മ ഏറ്റുവാങ്ങി.സ്കൂൾ സീനിയർ അസിസ്റ്റൻറ് ശ്രീ ബാലചന്ദ്രൻ പരിപാടിക്ക് നന്ദി സമർപ്പിച്ചു.

ആരോഗ്യ ബോധവൽക്കരണ പരിപാടി

കേന്ദ്ര സർക്കാരിന്റെ കൗമാര ആരോഗ്യ വിദ്യാഭ്യാസ പരിപാടി 'പാലൻ പോഷൺ ന്റെ ഭാഗമായി സ്കൂളിൽ കൗമാരക്കാരായ പെൺകുട്ടികളുടെ രക്ഷിതാക്കൾക്കായി ബോധവൽക്കരണ പരിപാടി സംഘടിപ്പിച്ചു.ഹെല്‍ത്ത് ഇന്‍സ്പെക്ടര്‍ ശ്രീ സന്തോഷ് കുമാര്‍ ക്ലാസ്സുകള്‍ നയിച്ചു.

വിദ്യാരംഗം ഫിലിം ക്ലബ്ബ് ഉദ്ഘാടനം

ഒക്ടോബര്‍ 2 ഗാന്ധിജയന്തി ദിനത്തില്‍ സ്കൂളിലെ വിദ്യാരംഗം കലാസാഹിത്യവേദിയുടെ ആഭിമുഖ്യത്തിലുള്ള വിദ്യാരംഗം ഫിലിം ക്ലബ്ബിന് തുടക്കം കുറിച്ചു.സ്കൂള്‍ എസ് ​ എം സി ചെയര്‍മാന്‍ ശ്രീ കുഞ്‍ഞിരാമേട്ടന്‍ ക്ലബ്ബിന്റെ ഉദ്ഘാടനം നിര്‍വ്വഹിച്ചു.വിദ്യാരംഗം കോ ഓര്‍‍‍‍ഡിനേറ്റര്‍ ശ്രീ കെ കെ രാജന്‍ മാസ്റ്റര്‍ ആമുഖഭാഷണം നടത്തി.തുടര്‍ന്ന് മഹാത്മാ ഗാന്ധിയുടെ ജീവിതത്തെ ആധാരമാക്കിയുള്ള വിഖ്യാതമായ ക്ലാസ്സിക് ചലചിത്രം ഗാന്ധി പ്രദര്‍ശിപ്പിച്ചു.

 

ഗാന്ധി ജയന്തി ദിനാഘോഷവും ഹരിതസേന രൂപീകരണവും

ഗാന്ധി ജയന്തി ദിനാഘോഷത്തോടനുബന്ധിച്ച് ബാനം ഹൈസ്കൂളിൽ ഹരിതസേനയുടെ രൂപീകരണവും പച്ചക്കറി കൃഷിയും കോടോംബേളൂർ ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ്ങ് കമ്മിറ്റി ചെയർമാൻ ശ്രീമതി ഉഷ ടി വി ഉത്ഘാടനം ചെയ്തു. സ്കൂൾ പീടീ എ പ്രസിഡണ്ട് പി.രാജീവന്റെ അദ്ധ്യക്ഷതയിൽ നടന്ന പരിപാടിയിൽ ഹെഡ് മിസ്ട്രസ് എം രേഷ്മ എസ്.എം സീ ചെയർമാൻ കെ.കെ കുഞ്ഞിരാമൻ, എസ് സി പ്രോമോട്ടർ കെ.കൃഷ്ണൻ, ബാലചന്ദ്രൻ മാസ്റ്റർ, സഞ്ജയൻ മാസ്റ്റർ പ്രസംഗിച്ചു.സ്കൂള്‍ അസംബ്ലി,സര്‍വ്വ മത പ്രാര്‍ത്ഥന എന്നിവയ്‍ക്ക് ഹിന്ദി അധ്യാപകന്‍ ശ്രീ ബാലചന്ദ്രൻ മാസ്റ്റർ നേതൃത്വം നല്‍കി.

ഹരിതസേന

ബാനം ഗവ.ഹൈസ്കൂളിനെ പച്ചപ്പണിയിക്കാൻ ഹരിതസേന ഒരുങ്ങുന്നു. ജൈവവൈവിധ്യ പാർക്ക് നവീകരണം, ജൈവവൈവിധ്യ രജിസ്റ്റർ തയ്യാറാക്കൽ, പച്ചക്കറി കൃഷി, കാമ്പസ് ഹരിതാഭമാക്കൽ തുടങ്ങിയ പ്രവർത്തനങ്ങൾ ഹരിതസേനയുടെ നേതൃത്വത്തിൽ .ഉദ്ഘാടനം ഒക്ടോബർ 2 ന് രാവിലെ സ്കൂൾ അങ്കണത്തിൽ, കോടോംബേളൂർ ഗ്രാമപഞ്ചായത്ത് അംഗം ഉഷ ടി വി നിർവ്വഹിക്കുന്നു. ഏവർക്കും സ്വാഗതം.

പൈതൃക മ്യൂസിയം

ഇന്നലെകളിലേക്ക് ഒരു യാത്ര. ചരിത്ര ശേഷിപ്പുകൾ തേടി. ബാനം ഗവ.ഹൈസ്കൂളിൽ ആരംഭിക്കുന്ന പൈതൃക മ്യൂസിയത്തിലേക്ക് ചരിത്ര പ്രാധാന്യമുള്ള പുരാതന വസ്തുക്കൾ സമാഹരിക്കുന്നു. ഏവരുടെയും സഹകരണം പ്രതീക്ഷിക്കുന്നു.

കായിക മേള 2018

ബാനം ഗവ.ഹൈസ്കൂളിലെ വാർഷിക കായിക മേള, ആവേശ ഭരിതമായ ഉത്സവാന്തരീക്ഷത്തിൽ പൂർത്തിയായി. പുതിയ ദൂരങ്ങളും പുതിയ ഉയരങ്ങളും പുതിയ വേഗങ്ങളും തേടിയുള്ള കായികതാരങ്ങളുടെ മാറ്റുരയ്ക്കൽ ഹെഡ്മിസ്ട്രസ് ശ്രീമതി രേഷ്മ എം ഉദ്ഘാടനം ചെയ്തു.സ്പോർട്സ് ജനറൽ കൺവീനർ പവിത്രൻ മാഷ്, സീനിയർ അസിസ്റ്റൻ്റ് ബാലചന്ദ്രൻ മാഷ് തുടങ്ങിയവർ നേതൃത്വം നൽകി. പി ടി എ പ്രസിഡണ്ട് ശ്രീ രാജീവൻ, വൈസ് പ്രസിഡണ്ട് കെ.കെ.കുഞ്ഞിരാമൻ എന്നിവർ മെഡലുകൾ വിതരണം ചെയ്തു.

ജില്ലാ ജൂനിയർ കബഡി

ജില്ലാ ജൂനിയർ കബഡി....
ഹോസ്ദുർഗ്ഗ് സബ് ജില്ലയ്ക്ക് ഇരട്ട കിരീടം....
കാസറഗോഡ് റവന്യൂ ജില്ല ജൂനിയർ കബഡിയിൽ ഇരു വിഭാഗത്തിലും ഹോസ്ദുർഗ്ഗ് സബ്ജില്ലാ കിരീടം ചൂടി. ഏറ്റവും മികച്ച പ്രകടനം പുറത്തെടുത്ത കുട്ടികൾ അട്ടിമറി വിജയമാണ് നേടിയത്...
ആൺകുട്ടികളുടെ മത്സരത്തിൽ ചെറുവത്തൂർ ഉപജില്ലയെ അട്ടിമറിച്ചാണ് ഹോസ്ദുർഗ്ഗ് സബ്ജില്ല വിജയം പിടിച്ചെടുത്തത്. പെൺകുട്ടികളുടെ മത്സരത്തിൽ ബേക്കൽ ഉപജില്ലയെ 1 പോയിന്റ് വ്യത്യാസത്തിൽ തോൽപ്പിച്ചു കൊണ്ട് വിജയിച്ചു മത്സരം അവസാനിക്കാൻ 3 മിനിറ്റ് ബാക്കി നിൽക്കേ ബേക്കൽ ഉപജില്ലാ 10 പോയിന്റ് ലീഡ് നേടിയിരുന്നു. അവസാന നിമിഷത്തിൽ കരുത്തുകാട്ടിയ പെൺകുട്ടികൾ അട്ടിമറിയിലൂടെ 1 പോയിന്റ് വിജയം സ്വന്തമാക്കി.

വിജയികൾക്ക് അഭിനന്ദനങ്ങൾ
ബാനം സ്കൂളിൻ്റെ അഭിമാനതാരങ്ങളായ കൃഷ്ണപ്രിയയും ശ്രീപ്രിയയും ടീമിലുണ്ട്.

സ്വാതന്ത്ര്യദിനാഘോഷം 2018

സ്വാതന്ത്ര്യദിനാഘോഷം നാടിന്റെ ഉത്സവമായി മാറിയപ്പോൾ . മൂലപ്പാറ നിവാസികൾക്കൊപ്പം ബാനം ഗവൺമെൻറ് ഹൈസ്കൂളിലെ കുട്ടികളുടെ സ്വാതന്ത്ര്യദിന ആഘോഷം

സബ് ജില്ലാ ഗെയിംസ് ഖൊ ഖൊ വിജയികള്‍

ഹൊസ്ദുർഗ് സബ് ജില്ലാ ഗെയിംസിൽ ജൂനിയർ ഖൊ ഖൊ യിൽ വിജയികളായ ബാനത്തിന്റെ അഭിമാനതാരങ്ങൾ.
സബ് ജൂനിയർ ഖൊ ഖൊ യിൽ GHS ബാനം ടീം റണ്ണർ അപ് സ്ഥാനം നേടി.

ചാന്ദ്രദിനം

ബാനം ഗവ.ഹൈസ്കൂളില്‍ ചാന്ദ്രദിനം വിപുലമായ രീതിയില്‍ ആചരിച്ചു.ചാന്ദ്രദിന ക്വിസ് നടത്തി.വിദ്യാര്‍ത്ഥികള്‍ തയ്യാറാക്കിയ ചാന്ദ്രദിനപതിപ്പുകള്‍ ഹെഡ്മിസ്ട്രസ് ശ്രീമതി രേഷ്മ എം പ്രകാശനം ചെയ്തു.